طريقة عمل كعك العيد الدايب

طريقة عمل كعك العيد الدايب

كحك العيد من أهم الحلويات اللي لازم تكون موجوده على المائده علشان كده أنا جبتلكو الوصفه الجميله والسهله أوي دي
وكمان لازم يكون معاه البسكويت والترمس والسوداني والتمر والشوكولاته وكل سنه وأنتم طيبين

وياريت تشوفو كمان البسكويت اللي من غير نشادر اللي أنا عملته ويارب ينال اعجابكم

المقادير:

2ك دقيق

1ك سمن

ربع كوب سمسم

ربع كوب سكر بودره 

معلقة صغيره خميره فوريه

ذره ملح

ماء للعجن

ريحة موز _ريحة ورد_ ريحة سمنه بلدي

للحشو (ملبن أو عجوة)

طريقة التحضير:

1_ نحضر وعاء بلاستك غويط للعجن وبعدين ننخل فيه الدقيق  ويكون دقيق مخصص للمخبوزات والحلويات ثم نضيف عليه الخميره الفوريه والسمسم  المحمص والسكر البودره وذره الملح ونقلبهم مع بعض كويس
وهنا هنضيف السمسم محمص علشان مش هنقدح السمنه 

إضافة المكونات الجافه 

2_ وبعدين نبدأ نضيف السمن على الدقيق ونبدأ نفرك أو نبس كويس وياريت تكون السمنه ريحتها حلوه زي روابي علشان هتخلي ريحه الكحك روعه

إضافة السمن على الدقيق

بس أوفرك السمنه مع الدقيق

3_ نبدأ بإضافة الماء الدافئ تدريجيا ثم نضيف جميع الروائح ونعجن كويس لحد ما تصبح عجينة سهلة التشكيل

شكلها بعد العجن

4_هنغطيها بكيس بلاستك ونتركها ربع ساعه علشان تتخمرولا تتركها أكتر من كده علشان نعرف نشكلها بسهوله

5_وبعدين نبدأ بتجهيز الصاج وندهنها بمنديل مبلل بالزيت ونبدأ بتشكيل العجين إلى كرات صغيره ثم نصنع فجوه ونضع فيها الحشو الملبن أو العجوة ثم نغلقها ونكورها وندوس عليها براحة اليد وبعدين ننقشها بأي حاجه متوفره عندك خاصه للكحك
وكمان هنعمل الملبن  في البيت وياريت تشوفو الرابط الخاص بالملبن 

ملبن مقطع مكعبات

شكل الكحك في الصاج

طريقة عمل كعب الغزال

نأخد قطعه كبيره من العجين ثم نقوم بفردها ثم نضع الحشو في طرف العجين ثم نبدأ بلف العجين رول ثم نقوم بتقطيعها إلى أحجام مناسبه

طريقة حشو كعب الغزال

لف العحين زي الرول

تقطيع كعب الغزال

دي صوره لشكل اسمه كعب غزال

6_يتم تجهيز الفرن قبل البدأ ونتركه ليسخن وبعدين نهدأ النارونبدأ ندخل الصاج ونتركه حتى يصبح لونه ذهبي ولازم يكون على نار هادئه علشان يستوي من جوه ومن بره كويس  

7_وبعدين تخرجه ونتركه ليبرد وبعدين نزينه بالسكر البودره

وإن شاء الله يعجبكو

‎مجموعة ‏محبي الأكل الصحي‎ Public group · 4 members Join Group 1- المحافظة على الاحترام المتبادل. 2- احترام اراء بعضنا البعض دون سخرية. 3- عدم التوجه بالكلام لشخص معين بشكل خاص في حال الاعتراض على رأيه. 4- يمنع...