الحواوشي الإسكندراني
المقاديرالعجينه:
1كيلو دقيق
معلقة خميره فوريه كبيره
3 ملاعق سكر
معلقة ملح صغيره
ماء دافئ للعجن
3 ملاعق زيت كبيره
مقادير الحشوه:
نص كيلو لحمه مفرومه
3 حبات بصل كبيره
3 حبات فلفل أخضر رومي
عدد 1 فلفل حار (حسب الرغبه)
فصين ثوم
قطعة ليه مفرومه
التوابل:
معلقه ملح_معلقه كمون_معلقه فلفل أسمر_معلقه بهارات لحمه_معلقه كزبره ناشفه_قرفه وجنزبيل
طريقة التحضير:
أولا:هنبدأ في تحضير خلطه اللحمه
هنفرم البصل مع الثوم ونقطع الفلفل مكعبات صغيره جدا وبعدين نضيفهم على اللحمه وقطعه الليه وبعدين التوابل ونخلطه كوبس باليد وبعدين ندخلها في الثلاجه لمده ليله علشان اللحمه تتشرب من كل التوابل والبصل
 |
| خليط اللحمه مع البصل والتوابل والفلفل |
ثانيا:تحضير العجينه:
1_نحضر وعاء بلاستيك غويط للعجن ونبدأ نحط كل المكونات الجافه ونقلبهم جيدا
2_وبعدين نضيف الزيت ونفركهم كويس وبعدين نبدأ نضيف الماء شويه بشويه لحد ما تتكون عجينه متامسكه ومش بتلزق معاكي
 |
| إضافة الماء تدريجيا |
 |
| لم العجينه |
 |
| عجينه متماسكه |
3_وبعدين هنغطيها ونتركها لمده نص ساعه وبعدين نفرش شوية دقيق على صنيه وبعدين نبدأ نقطع العجينه إلى كرات متوسطه على حسب الرغيف اللي يناسبك يعني كيلو الدقيق ممكن يعمل من 5 :6 أرغفه و هيكون حجمهم كويس وهنغطيهم ونسيبهم كمان نص ساعه علشان يكملو تخمير
4_ وبعدين هبدأ أجيب أول كوره من العجين وهبدأ أفردها على شويه دقيق وهخلي سمكها مناسب مش رقيق ولا سميك علشان مش تتهري معاكي في التسويه وبعدين نجيب كوره من خليط اللحمه ونضعه في وسط العجينه ونفرده في كل جزء
 |
| وضع كوره من اللحم على العجين |
5_وبعدين نفرد كوره تانيه من العجين ونقوم بوضعها فوق اللحمه وبعدين نقفل على العجينه كويس ونفردها كمان مره باليد علشان نتأكد إن اللحمه إتوزعت في كل حته من الرغيف وندهن وش الرغيف بمعلقة من الزيت ونضعها في الصنيه
 |
| غلق الرغيف |
6_نخرمها بالشوكه علشان مش تتنفخ في الفرن ونضعه في الصاج أو الصنيه المناسبه ونكمل لأخر رغيف ونسيبه يستريح لمده 5 دقائق
 |
| وضعه في الصاج |
3_ندخله الفرن على نار متوسطه علشان اللحمه تستوي كويس وكمان الرغيف لمده من ربع ساعه إلى نص ساعه ونقدمه مع سلطه طحينه
 |
| شكل الرغيف بعد التسويه |
 |
| ده شكل اللحمه من داخل الرغيف |
تعليقات
إرسال تعليق