التخطي إلى المحتوى الرئيسي

طريقه عمل البيتزا باللحمه المفرومه

طريقه عمل البيتزا باللحمه المفرومه




مقادير العجينه:

1ك دقيق
ماء(على حسب العجن)
معلقه زيت كبيره
معلقه خميره فوريه كبيره
معلقه صغيره ملح
معلقه كبيرة سكر
معلقه صغيره حبه البركه

مقادير الحشو:

نصف ك لحمه مفرومه (معصجه)
ملح 
فلفل 
بهارات لحمه 
قرفه وزنجبيل
فص ثوم
صلصه طماطم
فلفل أخضر( مقطع حلقات)
بصل 
زيتون 
جبنه رومي او موتزاريلا
زيت

طريقه التحضير:



أولا :نحضر اناء غويط ونضع فيه الدقبق والخميره والملح والسكر وحيه البركه ومعلقه الزيت نقوم بفركها جيدا لحد ما يختلطو مع بعض وبعدين نبدأ وبوضع الماء الدافئ تدريجيا لحد ما تصبح عجينه متماسكه مع بعضها والماء الدافئ علشان يسرع في عمليه التخمير


ثانيا :نغطيها ونتركها نصف ساعه علشان تخمر


ثالثا :وبعدين نبدأ بتقسيمها الى 6 أجزاء ونتركها ربع ساعه اخرى



رابعا :نبدأ بتجهيز الحشو (اللحمه المفرومه المعصجه)
نحضر طاسه ونضع فيها قليل من الزيت ثم نضع فوقها البصله المبشوره وفص الثوم ونضع عليها اللحمه المفرومه وجميع التوابل ونقلبهم مع بعض لحد ما يتغير لونها ونغطيها ونهدأ النار لحين ما تستوي
لحمه معصجه

نقطع الفلفل والبصل والزيتون والطماطم  حلقات
زيتون مقطع حلقات

بصل مقطع حلقات

طماطم مقطعه حلقات


فلفل مقطع حلقات

خامسا: نحضر الصينيه ونقوم بدهنها بالزيت ثم نأخد الجزء الاول من العجينه ونقوم بفردها في الصينيه وبالفرشه ندهن وجه العجينه بالزيت ثم نضع فوقها صلصه الطماطم

دهن العجينه بصلصة الطماطم
وبعدين نحط اللحمه المعصجه

والفلفل والطماطم والبصل والزيتون واخيرا الجبنه الموتزاريلا

سادسا: نضعها في الفرن درجة حرارته 180د لمدة عشر دقائق

 ونكمل باقي كمية العجين بنفس الترتيب

 وان شاء الله هتطلع معاكو زي الفل واحسن من الجاهزة وبألف هَنَا


 
‎مجموعة ‏محبي الأكل الصحي‎
Public group · 4 members
Join Group
1- المحافظة على الاحترام المتبادل. 2- احترام اراء بعضنا البعض دون سخرية. 3- عدم التوجه بالكلام لشخص معين بشكل خاص في حال الاعتراض على رأيه. 4- يمنع...
 

تعليقات

إرسال تعليق

المشاركات الشائعة من هذه المدونة

طريقه عمل جلاش مكشكش

طريقه عمل جلاش مكشكش  المقادير: لفة جلاش زيت أو سمنه شربات ثقيل مكسرات على حسب الرغبة مقادير الشربات الثقيل 2كوب سكر 2كوب ماء  عصير لمونه فانيليا _ماء ورد طريقة عمل الشربات الثقيل في وعاء نضع السكر والماء وعصير الليمونه ونضعهم على النار لمده عشر دقائق وبعدين نضيف الفانليا ونطفئ النار ونتركها لتبرد طريقة التحضير: 1_أول حاجه هنفرد الجلاش وبعدين نأخد أول ورقة ونكشكشها زي ما بنعمل المروحه 2_نجهز صنيه مدهونه بالزيت ونبدأ برص الجلاش ونكمل لأخر الكميه 3_هنرش على الوجه المكسرات وبعدين نضع الزيت أو السمن ونقطعها  4_ندخلها في الفرن حتى يصبح لونها ذهبي وجميل وبعدين نسقيها بالشربات البارد  أكيد مفيش أسهل من كده  وبألف هنا   ‎مجموعة ‏محبي الأكل الصحي‎ Public group · 4 members Join Group 1- المحافظة على الاحترام المتبادل. 2- احترام اراء بعضنا البعض دون سخرية. 3- عدم التوجه بالكلام لشخص معين بشكل خاص في حال الاعتراض على رأيه. 4- يمنع...  
إرسال تعليق
قراءة المزيد

طريقة عمل القطايف في المنزل

طريقة عمل القطايف في المنزل المقادير: 2كوب دقيق 2 كوب الا ربع ماء معلقه ص خميره معلقة ص بيكنج بودر معلقة ص سكر ذره ملح زيت للقلي مكسرات (جوز هند _زبيب _ سوداني مجروش) الشربات(1كوب سكر_1 ونص كوب ماء _ليمونه_ماء ورد) طريقة التحضير 1_نحضر وعاء غويط ونحط فيه الدقيق وكل المكونات الجافه ونخلطهم جيدا 2_نبدأ نحط الميه تدريجيا ونقلب كويس بمضرب السلك حتى تصبح سائلة 3_وبعدين نسيبها تتخمر لمده ربع ساعه 4_وبعد كده نحضر طاسه تكون سميكه شويه ونحطها على النار لحد ما تتسخن أوي 5_هنبدأ نصب الخليط بالكبشه نصب واحده ونسيبها لحد ما ينشف منها العجين من الوجه ومن تحت تتحمر باللون الوردي ولازم  تعمل فقافيع من فوق علشان نتأكد أن العجينه اتخمرت كويس 6_نكمل باقي الكميه ونطلعها على فوطة مطبخ ونغطيها كوبس علشان مش تنشف معاكي 7_نحضر المكسرات ونجيب واحده قطايف ونحط جواها شويه مكسرات ونقفل عليها كويس ونكمل لحد أخر الكميه 8_نسخن الزيت ونبدأ نحط فيها القطايف ونسيبها تتحمر وتبقى لونها ذهبي ونطلعها ونحطها في الشربات ونسيبها لمده دقيقتين ...
إرسال تعليق
قراءة المزيد

طريقه عمل المفتقه بالمنزل (الحلاوه السوداء) حلوى المغات

طريقه عمل المفتقه بالمنزل (الحلاوه السوداء) حلوى المغات المفتقه أو حلوى المغات المفتقه (الحلاوه السوداء) المقادير نصف كيلو عسل أسود معلقتين حلبه محوجه(المغات) معلقه دقيق معلقه زيت ذره ملح ليمون  سمسم حبه البركه مكسرات على حسب الرغبه طريقه التحضير اولا : نضع العسل في اناء غويط ثم نضعه على النارونتركه حتى يغلي مع تهدئه النارلمده 5 دقائق  ثانيا:نحضر طاسه  ثم نضعها على النارونضع فيها معلقه الزيت ومعلقه الدقيق ومعلقتين من الحلبه المحوجه والسمسم ونحمرهم مع بعض  ثالثا:نضع خليط الحلبه على العسل المغلي ونضعهم على النار ونقلبهم لمده 10 دقائق وقبل ما ارفعها من على النار نضع ذره ملح الليمون وحبه البركه ونقلب حتى تثقل معانا ثم نرفعها من على النار رابعا:نصب المفتقه في برطمان ونضع فوقه السمسم وأي مكسرات انتي تحبيها وتسيبي البرطمان مفتوح لحد ما تبرد. ودي بقى تبقى احلى مفتقه وفي بيتك وبمقادير بسيطه وسهله علشان اللي اول مره يجريها    ‎مجموعة ‏محبي الأكل الصحي‎ Public group · 4 members Join Group 1- المحافظة على ا...
تعليق واحد
قراءة المزيد