طريقة عمل سمك مكرونه مقلي
المقادير:
1 كيلو سمك مكرونه
ثوم مفروم
عصير ليمونه
معلقتين خل
معلقة صغيرة ملح
معلقة صغيرة كمون
معلقة صغيرة كزبرة ناشفه
معلقتين زيت ذره
كوب دقيق
زيت للقلي
طريقة التحضير:
1_أول حاجه بنظف السمك وبعدين نقطعها إلى قطع سميكة
2_نغسل السمك كويس جدا مره بالملح ومره بالخل وأخر مره يتنقع في الليمون لمده ربع ساعة
3_نبدأ بتحضير التتبيلة نحضر طبق غويط ونحط فيه الثوم وباقي التوابل وعصير الليمون والخل وزيت الذره ونقلبهم كويس
4_ وبعدين نتبل السمك ونسيبه لمده ساعه على الأقل علشان يتشرب من التتبيله
5_نضع طاسه فيها زيت للقلي على النار
6_نحضر طبق به ماء لغمس السمك فيه بعد تغطيته في الدقبق حتى يعطي قرمشه رائعه للسمك
7_نحضر طبق ونضع فيه الدقيق ثم نقوم بتغطية السمك بأكملها بالدقيق وبعدين نغمسه في الماء ثم نضعه في الزيت
8_نتركه حتى يتحمر من كل الجوانب ويبقى لونه ذهبي ونقدمه مع أرز أبيض وسلطه طحينه
تعليقات
إرسال تعليق