الفطير المشلتت زي الجاهز وموفر جدا

الفطير المشلتت زي الجاهز وموفر جدا

الفطير المشلتت ، 

أكله مصريه ، من اقدم انواع الفطير فى التاريخ. قدمه المصريين القدام قربان للآلهه فى  عصرالدوله المملوكيه اللى كان حافل بأنواع كتيره من الحلويات الخاصه بمصر و منها كتير اتنقل للخارج ، ظهر نوع اسمهالفطير الهلالى و ده اتنقل لاوروبا و لفرنسا و بقى يتعرف بالكرواسان croissant.

الفطير المشلتت مغذى لإن فيه فيتامينات الدقيق و الدره و السمنه البلدى و السكر و بيتاكل مع العسل او الجبنهالمعموله من اللبن.

يعتبر الفطير المشلتت من أهم الأطباق المصريّة، حيث من الممكن تقديمه كطبق إفطار مع الدبس والجبنة، أو من الممكن تحليته بالعسل وتقديمه كطبق تحلية، ويمتاز الفطير المشلتت بطبقات العجين الورقيّة والرقيقة التي تُكسبه قواماً هشّاً. ويتمّ تحضير الفطير المشلتت في محلّات الحلويات في مصر حيث له شعبيّة كبيرة. وسنقدّم لكم في هذا المقال طريقة إعداد الفطير المشلتت في المنزل.

المقادير:

1كيلو دقيق

معلقة كبيرة سكر

معلقة صغيره ملح

ماء للعجن

زيت (لفرد العجين)

زبده _أو سمن بلدي_أو سمن نباتي

طريقة التحضير:

1_نحضر وعاء ونضع فيه الدقيق والسكر والملح وبعدين هنضيف الماء تدريجيا ونبدأ نعجن لحد ما تكون العجينه طريه يعني متكنش متماسكه قوي وبرده مش بتلزق وبعدين هنجيب صنيه مدهونه بالزيت ونبدأ نقسم العجين إلى 5 كرات متساويه ثم نضعهم على الصنيه المدهونه بالزيت وندهن الوش بالزيت (علشان الوش مينشفش) ونسيبه يستريح لمده ساعه

2_هنسيح الزبده أو السمن علشان أعرف أدهن بيها بسهوله وبعدين على صنيه كبيره هبدأ أحط معلقة زيت وهبدأ أفرد أول فطيره طبعا الزيت هيخلي العجينه تتفرد بكل سهوله ونفرد على قد ما نقدروتبقى العجينه شفافه وبعدين هنضيف السمن بالمعلقه أو باليد وغطي كل جزء بالسمن

فرد العجينه وجعلها شفافه ودهنها بالسمن

3_ وبعدين هبدألم العجينه ب وبرده ندهن بالسمن كل جزء علشان تبقى مورقه معاكي وبعدين هلم العجينه تاني  وهتبقى شكلها  زي الأول

دهن كل جزء بالسمن

تقفيل العجينه مع دهن كل طبقه بالسمن

لم العجينه 

4_وبعدين هنجيب الصنيه وندهنها بالسمن وبعدين نحط فيها الفطيره ونسيبها لمده عشر دقائق علشان نعرف نفردها في الصنيه

وضعها في الصنيه المدهونه

فرد العجينه في الصنيه

5__هندخلها الفرن يكون حرارته متوسطه لحد ما تستوي من فوق وتحت و تتحمر من الوجه 

ده شكلها بعد ما طلعت من الفرن

فطير مشلتت زي الجاهز وأحلى وإن شاء الله يعجبكو

ملاحظه:ممكن نحشي الفطير المشلتت بالجبن أو اللحم المفروم أو المكسرات

‎مجموعة ‏محبي الأكل الصحي‎ Public group · 4 members Join Group 1- المحافظة على الاحترام المتبادل. 2- احترام اراء بعضنا البعض دون سخرية. 3- عدم التوجه بالكلام لشخص معين بشكل خاص في حال الاعتراض على رأيه. 4- يمنع...